लाईव्ह मोहीम सारांश
आढावा
१० जुलै २०२६ रोजी शिरूर शहरातील सोनार आळी परिसरात एका महिलेवर मोकाट कुत्र्यांनी हल्ला केल्याची घटना समोर आल्यानंतर नागरिकांमध्ये सुरक्षिततेबाबत चिंता निर्माण झाली. नागरिकांकडून सातत्याने तक्रारी प्राप्त होत असल्याने शिरूर नगरपरिषद प्रशासनाने या विषयाची गंभीर दखल घेतली.
१७ जुलै २०२६ पासून नगराध्यक्षा सौ. ऐश्वर्याताई अभिजित पाचर्णे यांच्या मार्गदर्शनाखाली आणि बांधकाम सभापती सुनिल शंकर जाधव यांच्या पुढाकाराने विशेष रेस्क्यू मोहीम सुरू करण्यात आली. प्रशिक्षित पथकाद्वारे शहरातील विविध भागांमध्ये सुरक्षित पद्धतीने रेस्क्यू कार्यवाही केली जात आहे.
मोहिमेची ठळक माहिती
- मोकाट कुत्रे रेस्क्यू अभियान १७ जुलै २०२६ पासून सुरू.
- शहरातील १२ प्रभागांमध्ये टप्प्याटप्प्याने कार्यवाही.
- सद्यस्थितीत १५ कुत्र्यांचे सुरक्षित रेस्क्यू.
- नागरिकांच्या तक्रारींना प्राधान्य देऊन प्रतिसाद.
- प्रशिक्षित पथकाद्वारे सुरक्षित आणि जबाबदार रेस्क्यू.
- मोहीम प्रगती अहवाल नियमितपणे अद्ययावत करण्याचा उद्देश.
रेस्क्यू करण्यात आलेले प्रमुख परिसर
मोहीमेची उद्दिष्टे
- नागरिकांच्या सुरक्षिततेचे संरक्षण करणे.
- महिला, लहान मुले आणि ज्येष्ठ नागरिकांसाठी सुरक्षित वातावरण उपलब्ध करणे.
- तक्रारी प्राप्त झालेल्या भागांमध्ये प्राधान्याने कार्यवाही करणे.
- प्राण्यांचे प्रशिक्षित पथकाद्वारे सुरक्षित रेस्क्यू करणे.
- शहरातील सर्व प्रभागांमध्ये टप्प्याटप्प्याने मोहीम राबविणे.
- संबंधित विभागांशी समन्वय साधून पुढील उपाययोजना राबविणे.
मोहीम छायाचित्रे
डॉग रेस्क्यू
मोकाट कुत्रे रेस्क्यू मोहिमेतील कार्यवाहीची नोंद.
रेस्क्यू टीम कार्यस्थळी
प्रशिक्षित पथकाद्वारे सुरक्षित रेस्क्यू प्रक्रिया.
स्टेट बँक कॉलनी रेस्क्यू
नागरिकांच्या तक्रारीनंतर परिसरनिहाय प्रतिसाद.
नागरिकांसाठी आवाहन
आपल्या परिसरात मोकाट कुत्र्यांमुळे नागरिकांना धोका निर्माण होत असल्यास प्रभाग, परिसर, शक्य असल्यास फोटो, Google Location, समस्येचे थोडक्यात वर्णन आणि संपर्क क्रमांक नगरपरिषदेला कळवावा. प्राप्त तक्रारींचे प्राधान्याने परीक्षण करून पुढील कार्यवाही केली जाईल.